Ռոման Բերեզովսկին՝ ՀՖՖ նախագահի ընտրության, Խաշմանյանի եւ «Սոչիի» մասին (ֆոտո)

15:02   6 դեկտեմբերի, 2019

Ֆուտբոլի Հայաստանի ազգային հավաքականի դարպասապահների մարզիչ, ռուսական «Սոչիի» գլխավոր մարզիչի պաշտոնակատար Ռոման Բերեզովսկին NEWS.am Sport-ի թղթակցի հետ զրույցում իր կարծիքն է հայտնել ՀՖՖ նախագահի առաջիկա ընտրության, ազգային թիմի գլխավոր մարզիչ Աբրահամ Խաշմանյանի շուրջ ստեղծված իրավիճակի եւ «Սոչիի» ակումբային գործերի մասին։

Հիշեցնենք, որ դեկտեմբերի 23-ին անցկացվելիք ՀՖՖ նախագահի ընտրությունում առաջադրվել են ՀՖՖ փոխնախագահ Արմեն Մելիքբեկյանը, «Անի» ակումբի նախագահ Խորեն Հովհաննիսյանը, «Լոռիի» նախագահ Թովմաս Գրիգորյանը եւ Կիպրոսի «Արարատի» հիմնադիր Արսեն Աղաջանյանը։

Առաջիկա ընտրությունների մասին

Այդքան կարեւոր չէ, թե ով կլինի ֆեդերացիայի նախագահը, կարեւորն այն է, թե ընտրությունից հետո ինչպես կզարգանա մեր ֆուտբոլը, ինչքանով կառաջադիմեն մեր ակումբներն ու հավաքականը։

«Հասկանալ եւ ներել»

Վերջին օրերին մենք ականատես եղանք փոխադարձ մեղադրանքների։ Հավանաբար, ծանր է վերահսկել հույզերը 1։9 հաշվով պարտությունից հետո։ Կարելի է հասկանալ եւ Աբրահամ Խաշմանյանին, եւ ֆուտբոլիստներին։ Բայց սա պետք է չշարունակվի։

Բոլոր կողմերը պետք է իրավիճակին վերաբերվեն փոխըմբռնումով, հնարավոր է, ներողություն խնդրեն միմյանցից, քանի որ մենք այդքան էլ շատ ֆուտբոլիստներ եւ մարզիչներ չունենք, որ այս պատճառներով նրանց կորցնենք։

Ակումբային գործեր

«Սոչիում» հիմա ծանր վիճակ է։ Տեղափոխվեց մեր հանդիպումը, քանի որ 10 խաղացող վատառողջ է՝ անգինա, մի քանիսն էլ վնասվածքներ ունեն։ «Ռուբինի» դեմ խաղը ցույց կտա, թե ինչպես կարող ենք դուրս գալ ծանր վիճակից։

Սամվել Սուքիասյան

 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։