Միխայել Շումախերի 5-րդ չեմպիոնության բոլիդը վաճառվել է 6,6 միլիոն դոլարով (ֆոտո)

Աբու Դաբիում տեղի ունեցած աճուրդում վաճառվել է Ֆորմուլա-1-ի Ferrari F2002 բոլիդը, որով 2002 թվականին գերմանացի մրցարշավորդ Միխայել Շումախերը նվաճել է 5-րդ չեմպիոնական տիտղոսը։ Այդ բոլիդով Շումախերը հաղթել էր Սան Մարիոյի, Ավստրիայի եւ Ֆրանսիայի փուլերում։ Մեքենայի համար գնորդը վճարել է 6,6 միլիոն դոլար։

Հիշեցնենք, որ 50-ամյա Շումախերը Ֆորմուլա-1-ի 7-ակի չեմպիոն է։ Առաջին երկու տիտղոսները նվաճել է 1994-ին եւ 1995-ին «Բենետոնում», 2000-2004-ին հաղթել է «Ֆերարիի» թիմում։

2013թ․ դեկտեմբերին Շումախերը լեռնադահուկով սահելիս ընկել էր եւ ստացել գլխուղեղային ծանր վնասվածք, որի հետեւանքով հայտնվել էր կոմայում։ Նրա առողջական վիճակի մասին տվյալներ ընտանիքը չի հայտնում։

Se vendió en 6.6 millones de dólares el monoplaza con el que logró Michael #Schumacher su quinto campeonato mundial en 2002, recordemos que este ganó en los Grandes Premios de Francia, Austria, San Marino y Francia. @F1 pic.twitter.com/W1uGZff1j6

— Car&Style (@carstylemx) December 4, 2019