Իտալական «Ռոմայի» գլխավոր մարզիչ Պաուլո Ֆոնսեկան մեկնաբանել է Եվրոպայի լիգայի խմբային փուլի 5-րդ տուրում թուրքական «Իստանբուլ Բաշակշեհիրի» նկատմամբ տարած հաղթանակը:
«Մենք հրաշալի հանդիպում անցկացրեցինք և կարևոր միավորներ վաստակեցինք: Հատկապես տպավորիչ էր առաջին խաղակեսը:
Վնասվածքից ապաքինված ֆուտբոլիստներին ժամանակ է հարկավոր մարզավիճակ ձեռք բերելու և թիմի խաղային համակարգում ընդգրկվելու համար»,- Ֆոնսեկայի խոսքը փոխանցում է «Ռոմայի» մամուլի ծառայությունը:
Հիշեցնենք, որ «Ռոման» արտագնա խաղում 3:0 հաշվով հաղթանակ տարավ «Իստանբուլ Բաշակշեհիրի» նկատմամբ:
Հայաստանի ազգային հավաքականի կիսապաշտպան Հենրիխ Մխիթարյանը փոխարինման դուրս եկավ խաղի 72-րդ րոպեին:
J խմբի մրցաշարային աղյուսակում «Ռոման» 8 միավորով երկրորդ տեղում է: Նույնքան միավոր ունի նաև առաջատար Մյոնխենգլադբախի «Բորուսիան»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։