Չեմպիոնների լիգայի խմբային փուլի նախավերջին՝ 5-րդ տուրում, F խմբի առաջատար «Բարսելոնան» «Կամպ Նոու» ստադիոնում ընդունել էր Դորտմունդի «Բորուսիային»: Էռնեստո Վալվերդեի գլխավորած թիմը հաղթանակ տարավ 3:1 հաշվով:
Խաղի հաշիվը 29-րդ րոպեին Լիոնել Մեսիի փոխանցումից հետո բացեց ուրուգվայցի հարձակվող Լուիս Սուարեսը: 33-րդ րոպեին Սուարեսի փոխանցումից հետո «Բարսելոնայի» կազմում իր 700-րդ հանդիպումը գոլով նշանավորեց Լիոնել Մեսին: 67-րդ րոպեին ֆրանսիացի հարձակվող Անտուան Գրիզմանը խփեց «Բարսելոնայի» երրորդ գոլը:
«Բորուսիայի» միակ գոլը խաղի 77-րդ րոպեին խփեց անգլիացի կիսապաշտպան Ջեյդոն Սանչոն:
Միաժամանակ ընթացած խաղում Միլանի «Ինտերը» 3:1 հաշվով առավելության հասավ «Սլավիայի» նկատմամբ: Դուբլի հեղինակ դարձավ արգենտինացի հարձակվող Լաուտարո Մարտինեսը: Աչքի ընկավ նաև բելգիացի հարձակվող Ռոմելու Լուկակուն:
«Բարսելոնան» խմբային փուլի ավարտից 1 տուր առաջ ունի 11 միավոր և ապահովել է առաջատարի տեղը խմբի մրցաշարային աղյուսակում: «Բորուսիան» և «Ինտերն» ունեն 7-ական միավոր:
E խմբում Չեմպիոնների լիգայի գործող գավաթակիր «Լիվերպուլը» տնային խաղում չկարողացավ հաղթանակի հասնել իտալական «Նապոլիի» նկատմամբ: Հանդիպումն ավարտվեց ոչ ոքի՝ 1:1 հաշվով:
Չեմպիոնների լիգա, խմբային փուլ, 5-րդ տուր
E խումբ
«Գենկ» (Բելգիա) - «Զալցբուրգ» (Ավստրիա)՝ 1:4
Մբվանա Սամատա, 85 - Պատսոն Դակա, 43, Տակումի Մինամինո, 45, Հի-Չան Ուանգ, 69, Բրաուտ Հալանդ, 87
«Լիվերպուլ» (Անգլիա) - «Նապոլի» (Իտալիա)` 1:1 (տեսանյութ)
Դեյան Լովրեն, 65 - Դրիս Մերտենս, 21
F խումբ
«Բարսելոնա» (Իսպանիա) - «Բորուսիա Դորտմունդ» (Գերմանիա)՝ 3:1 (տեսանյութ)
Լուիս Սուարես, 29, Լիոնել Մեսի, 33, Անտուան Գրիզման, 67 - Ջեյդոն Սանչո, 77
«Սլավիա» (Չեխիա) - «Ինտեր» (Իտալիա)՝ 1:3 (տեսանյութ)
Թոմաս Սոուչեկ, 37 - Լաուտարո Մարտինես, 19, 88, Ռոմելու Լուկակու, 81
G խումբ
«ՌԲ Լայպցիգ» (Գերմանիա) - «Բենֆիկա» (Պորտուգալիա)՝ 2:2
Էմիլ Ֆորսբերգ, 90, 90+2 - Պիզի, 20, Վինիսիուս, 59
H խումբ
«Լիլ» (Ֆրանսիա) - «Այաքս» (Հոլանդիա)՝ 0:2
Հակիմ Զիյեկ, 2, Կուինսի Պրոմես, 59
Full time scores:
— Football Tweet (@Football__Tweet) November 27, 2019
Genk 1-4 RB Salzburg
Liverpool 1-1 Napoli
Barcelona 3-1 Dortmund
Slavia Prague 1-3 Inter Milan
RB Leipzig 2-2 Benfica
Lille 0-2 Ajax pic.twitter.com/hgOPQz4RdO
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։