Լևանդովսկին՝ ՉԼ-ում «Բավարիայի» պատմության լավագույն ռմբարկու
10:50 27 նոյեմբերի, 2019Չեմպիոնների լիգայի խմբային փուլի նախավերջին՝ 5-րդ տուրում, Մյունխենի «Բավարիան» արտագնա խաղում ուժերը չափեց սերբական «Ցրվենա Զվեզդայի» հետ: Մյունխենյան ակումբը հաղթանակ տարավ 6:0 հաշվով:
«Բավարիայի» լեհ հարձակվող Ռոբերտ Լևանդովսկին դարձավ պոկերի հեղինակ՝ Չեմպիոնների լիգայում իր խփած գոլերի քանակը դարձնելով 46: Այս ցուցանիշով Լևանդովսկին գերազանցեց Թոմաս Մյուլերին (43 գոլ) և դարձավ Չեմպիոնների լիգայում մյունխենյան ակումբի պատմության լավագույն ռմբարկուն:
Ռոբերտ Լևանդովսկին դարձավ նաև Չեմպիոնների լիգայի պատմության 5-րդ լավագույն ռմբարկուն: Առաջատարը Կրիշտիանու Ռոնալդուն է՝ 127 գոլ: Ռոնալդուին հաջորդում են Լիոնել Մեսին՝ 113 գոլ, Ռաուլը՝ 71 գոլ և Քարիմ Բենզեման՝ 63 գոլ:
Նշենք, որ ընթացիկ մրցաշրջանում Լևանդովսկին «Բավարիայի» կազմում մասնակցել է 20 հանդիպման՝ դառնալով 27 գոլի և 1 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։