Tata Steel India․ Հաղթողը Մագնուս Կարլսենն է, Լեւոն Արոնյանը վերջինն է
16:11 26 նոյեմբերի, 2019Աշխարհի չեմպիոն Մագնուս Կարլսենի հաղթանակով ավարտվեց Հնդկաստանի Կալկաթա քաղաքում անցկացված արագ եւ կայծակնային խաղի Tata Steel Chess India Rapid & Blitz մրցաշարը։ Նորվեգացի գրոսմայստերը 36 հնարավորից վաստակեց 27 միավոր եւ 4 միավոր առաջ անցավ երկրորդ տեղը գրաված ամերիկացի Հիկարու Նակամուրայից։
Հայկական շախմատի առաջատար Լեւոն Արոնյանը 13 միավորով գրավեց վերջին տեղը։
Կայծակնային խաղի երկրորդ օրը Լեւոն Արոնյանը ոչ ոքի խաղաց հնդիկներ Պենտալա Հարիկրիշնայի, Վիշվանաթան Անանդի, հոլանդացի Անիշ Գիրիի եւ ռուսաստանցի Յան Նեպոմնյաշչուն,պարտվեց ամերիկացիներ Ուեսլի Սոյին ու Հիկարու Նակամուրային, հնդիկ Գուջրատի Վիդիտին, Մագնուս Կարլսենին, չինացի Դին Լիրենին։
Tata Steel Chess India-ն Grand Chess Tour-ի նախավերջին փուլն էր։
Grand Chess Tour-ի եզրափակիչը կմեկնարկի դեկտեմբերի 2-ին Լոնդոնում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։