Tata Steel India․ Լեւոն Արոնյանը ձախողվեց կայծակնային խաղի առաջին շրջանում (ֆոտո)
17:05 25 նոյեմբերի, 2019Հնդկաստանի Կալկաթա քաղաքում անցկացվող արագ եւ կայծակնային խաղի Tata Steel Chess India Rapid & Blitz մրցաշարի չորրորդ օրը տեղի ունեցան կայծակնային խաղի առաջին շրջանի 9 պարտիաները։
Հայկական շախմատի առաջատար Լեւոն Արոնյանը անհաջող հանդես եկավ։ Նա պարտվեց հնդիկներ Պենտալա Հարիկրիշնային եւ Վիշվանաթան Անանդին, հոլանդացի Անիշ Գիրիին, ամերիկացի Հիկարու Նակամուրային, աշխարհի չեմպիոն, նորվեգացի Մագնուս Կարլսենին, ռուսաստանցի Յան Նեպոմնյաշչուն, ոչ ոքի խաղաց հնդիկ Գուջրատի Վիդիտի եւ ամերիկացի Ուեսլի Սոյի հետ։
Հայ գրոսմայստերը հաղթեց միայն չինացի Դին Լիրենին եւ 27 հնարավորից 11 միավորով նախավերջին տեղում է։ Ավելի վատ արդյունք ունի միայն Վիդիտը՝ 10 միավոր։ Առաջատարը Մագնուս Կարլսենն է՝ 21,5 միավոր։
Նոյեմբերի 26-ին տեղի կունենա պատասխան պարտիաները։ Հաղթողը հայտնի կդառնա արագ եւ կայծակնային խաղի արդյունքների հանրագումարում։
Tata Steel Chess India-ն Grand Chess Tour-ի նախավերջին փուլն է։
Grand Chess Tour-ի եզրափակիչը կմեկնարկի դեկտեմբերի 2-ին Լոնդոնում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։