Պրեմյեր լիգայի ֆավորիտն՝ ըստ Լուիս Սուարեսի
11:50 23 նոյեմբերի, 2019Կատալոնական «Բարսելոնայի» և Ուրուգվայի ազգային հավաքականի հարձակվող Լուիս Սուարեսը կարծիք է հայտնել Անգլիայի առաջնության չեմպիոնական մրցավազքի վերաբերյալ:
Ուրուգվայցի հարձակվողի կարծիքով՝ իր նախկին ակումբ «Լիվերպուլը» բացահայտ ֆավորիտ է չեմպիոնության համար պայքարում և դժվար թե թույլ տա, որ միավորների քանակով «Մանչեսթեր Սիթին» հավասարվի իրեն:
««Լիվերպուլը» հրաշալի մրցաշրջան է անցկացնում, և ես չեմ կարծում, որ Յուրգեն Կլոպի գլխավորած թիմը բաց կթողնի չեմպիոնությունը Պրեմյեր լիգայում:
«Լիվերպուլը» միավորների մեծ տարբերությամբ առաջ է անցել մրցակիցներին, սակայն չպետք է մոռանանք, որ սա ֆուտբոլ է, որտեղ ամեն ինչ կարող է տեղի ունենալ»,- 32-ամյա հարձակվողի խոսքը մեջբերում է ESPN-ն:
Հիշեցնենք, որ Պրեմյեր լիգայի 12-րդ տուրից հետո «Լիվերպուլը» 34 միավորով գլխավորում է մրցաշարային աղյուսակը և 9 միավորով գերազանցում է չեմպիոն «Մանչեսթեր Սիթիին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։