Սիմոնե Ինձագին կարող է գլխավորել «Նապոլին»
11:13 22 նոյեմբերի, 2019Հռոմի «Լացիոյի» գլխավոր մարզիչ Սիմոնե Ինձագին հայտնվել է իտալական «Նապոլիի» ուշադրության կենտրոնում, տեղեկացնում է Calciomercato-ն:
«Նապոլիի» նախագահ Աուրելիո դե Լաուրենտիսը պատրաստվում է ընթացիկ մրցաշրջանից հետո պայմանագիր կնքել Ինձագիի հետ, իսկ եթե առաջիկա խաղերում «Նապոլին» շարունակի միավորներ կորցնել, ապա Ինձագին «Նապոլիի» գլխավոր մարզիչի պաշտոնը կզբաղեցնի ավելի շուտ:
Ավելի վաղ իտալական մարզական պարբերականները հաղորդում էին, որ «Նապոլիի» գլխավոր մարզիչ Կառլո Անչելոտին լարված հարաբերություններ ունի ակումբի նախագահ Աուրելիո դե Լաուրենտիսի հետ և մտածում է հրաժարական ներկայացնելու մասին:
Նշենք, որ Իտալիայի առաջնության 12-րդ տուրից հետո «Նապոլին» 19 միավորով 7-րդ տեղում է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։