Ռոնալդուն ներողություն չի խնդրել «Յուվենտուսի» ֆուտբոլիստներից
21:41 21 նոյեմբերի, 2019Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն ազգային հավաքականների հանդիպումներով պայմանավորված դադարից հետո վերադարձել է Իտալիա և մարզում անցկացրել իտալական թիմի կազմում:
Ռոնալդուն Իտալիայի առաջնության 12-րդ տուրի՝ «Միլանի» դեմ խաղում տեղի ունեցած միջադեպի պատճառով ներողություն չի խնդրել թիմի ֆուտբոլիստներից, որոնք որոշել են այլևս չանդրադառնալ այդ թեմային:
Հիշեցնենք, որ «Միլանի» դեմ հանդիպման 55-րդ րոպեին փոխարինվելուց անմիջապես հետո Ռոնալդուն լքել է ստադիոնը:
Ավելի վաղ իտալական ԶԼՄ-ները հայտնում էին, որ Իտալիա ժամանալուց հետո Ռոնալդուն ընթրիքի կհրավիրի «Յուվենտուսի» խաղացողներին և ներողություն կխնդրի իր պահվածքի համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։