ՀՖՖ գործկոմի արտահերթ նիստ (LIVE)

14:09   21 նոյեմբերի, 2019

Հայաստանի ֆուտբոլի ֆեդերացիայում մեկնարկել է գործադիր կոմիտեի արտահերրթ նիստը, փոխանցում է NEWS.am Sport-ի թղթակիցը: Օրակարգում հայկական ֆուտբոլում, ֆեդերացիայում եւ հավաքականում տիրող իրավիճակի քննարկումն է:

Հավաքականի գլխավոր մարզիչ Աբրահամ Խաշմանյանի հրաժարականի հարց չկա, բայց չի բացառվում, որ հարցը բարձրացվի եւ դրվի քննարկման: Այս մասին տեղեկացնում են ֆեդերացիայից: Արտահերթ նիստը ըստ նախնական հայտարարության նշանակված էր 14:00-ին:

ՀՖՖ նախագահ Արթուր Վանեցյանը նիստի մեկնարկից 1,5 ժամ առաջ ժամանեց ֆեդերացիա եւ նախնական ժողով անցկացրեց շենքի առջեւ իրեն սպասող մի խումբ մարդկանց հետ, այդ թվում հավաքականի երկրպագուների ՖԱՖ շարժումից: Նիստի մեկնարկից րոպեներ առաջ ֆեդերացիա ժամանեցին գործոկի անդամներ Ալեն Սիմոնյանը, Արսեն Թորոսյանը, Ռուբեն Ռուբինյանը, Արեն Մկրտչյանը, այլ անդամներ:

Հիշեցնենք, որ Եվրո-2020 ընտրական փուլի J խմբի վերջին երկու տուրերում Հայաստանի հավաքականը ձախողվեց՝ Հայաստան - Հունաստան (0:1) եւ Իտալիա - Հայաստան (1-9): Իտալիայից կրած խոշոր հաշվով պարտվելուց հետո հավաքականի նորանշանակ գլխավոր մարզիչ Աբրահամ Խաշմանյանը Պալերմոյում հայտարարեց, որ ՀՖֆ ղեկավարության կողմից իր հրաժարականի պահանջ լինելու դեպքում պատրաստ է հեռանալ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։