Ժոզե Մոուրինյոն «Տոտենհեմի» նախագահին խնդրել է չվաճառել Հարի Քեյնին

12:07   21 նոյեմբերի, 2019

Լոնդոնի «Տոտենհեմի» նորանշանակ գլխավոր մարզիչ Ժոզե Մոուրինյոն անգլիական ակումբի նախագահ Դենիել Լեւիին խնդրել է թույլ չտալ թիմի անգլիացի հարձակվող Հարի Քեյնի տրանսֆերը, գրում է բրիտանական The Telegraph-ը։

Պորտուգալացի մասնագետը վստահ է, որ Քեյնի եւ այս կազմի մյուս խաղացողների հետ կկարողանա նվաճել տիտղոսներ, սակայն խնդրել է դրան սպասել առնվազն մեկ լիարժեք մրցաշրջան։

Հարի Քեյնի պայմանագիրը «Տոտենհեմի» հետ նախատեսված է մինչեւ 2024թ․ հունիս։

Հիշեցնենք, որ անցած մրցաշրջանում «Տոտենհեմը» հասավ Չեմպիոնների լիգայի եզրափակիչ եւ 0։2 հաշվով պարտվեց «Լիվերպուլին»։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։