Իտալական «Միլանի» ղեկավարությունը ցանկանում է պայմանագիր կնքել ՄԼՍ-ի կանոնավոր առաջնությունը ներկայացնող «Լոս Անջելես Գելաքսիի» շվեդ հարձակվող Զլատան Իբրահիմովիչի հետ:
Sky Sport Italia-ի հաղորդմամբ՝ «Միլանի» ղեկավարությունը բանակցություններ է սկսել Իբրահիմովիչի գործակալ Մինո Ռայոլայի հետ, սակայն կողմերը դեռ որևէ հարցում համաձայնության չեն եկել:
Ավելի վաղ տեղեկացրել ենք, որ Իբրահիմովիչը միայն «Միլանի» և «Նապոլիի» կողմից առաջարկներ ստանալու դեպքում վերջնական որոշում կընդունի իր ապագայի վերաբերյալ:
Իբրահիմովիչի պայմանագիրը «Լոս Անջելես Գելաքսիի» հետ նախատեսված է մինչև այս տարվա դեկտեմբերի 31-ը: Ամերիկյան ակումբի ղեկավարությունը հայտարարել է, որ չի երկարաձգելու շվեդ հարձակվողի պայմանագրի ժամկետը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։