Իտալական «Ռոմայի» և Բոսնիա և Հերցեգովինայի ազգային հավաքականի հարձակվող Էդին Ջեկոն ձմեռային տրանսֆերային պատուհանի ընթացքում կարող է պայմանագիր կնքել անգլիական «Մանչեսթեր Յունայթեդի» հետ, տեղեկացնում է ESPN-ն:
Մանչեսթերյան ակումբի գլխավոր մարզիչ, նորվեգացի Ուլե-Գունար Սուլշերը պահանջել է թիմի ղեկավարությունից ձմռանը նոր կենտրոնական հարձակվող ձեռք բերել և կարծում է, որ 33-ամյա հարձակվողն իդեալական տարբերակ է ակումբի հարձակման գիծն ուժեղացնելու համար:
Այնուամենայնիվ, Սուլշերը նոր ֆուտբոլիստների տեղափոխության հարցում չի կարողանում համաձայնության գալ «Մանչեսթեր Յունայթեդի» նախագահ Էդ Վուդվորդի հետ, որը դեմ է տարիքով մեծ ֆուտբոլիստների տեղափոխությանը:
Ավելի վաղ բրիտանական պարբերականները տեղեկացնում էին, որ «Մանչեսթեր Յունայթեդը» ցանկանում է պայմանագիր կնքել Թուրինի «Յուվենտուսի» խորվաթ հարձակվող Մարիո Մանջուկիչի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։