«Լոս Անջելես Գելաքսին» տարեկան 7 միլիոն եվրո աշխատավարձ կառաջարկի Կավանիին
21:15 19 նոյեմբերի, 2019Ֆրանսիայի չեմպիոն ՊՍԺ-ի և Ուրուգվայի ազգային հավաքականի հարձակվող Էդինսոն Կավանին ձմեռային տրանսֆերային պատուհանի ընթացքում հնարավոր է՝ պայմանագիր կնքի ՄԼՍ-ի կանոնավոր առաջնությունը ներկայացնող «Լոս Անջելես Գելաքսիի» հետ:
L'Equipe-ի հաղորդմամբ՝ ամերիկյան ակումբում ուրուգվայցի հարձակվողին դիտարկում են որպես Զլատան Իբրահիմովիչին փոխարինող և պատրաստվում են տարեկան 7 միլիոն եվրո աշխատավարձ առաջարկել:
32-ամյա Կավանիի պայմանագիրը ՊՍԺ-ի հետ նախատեսված է մինչև 2020 թվականի հունիս:
Էդինսոն Կավանիի ծառայություններով հետաքրքրված է նաև ՄԼՍ-ի նորեկ «Ինտեր Մայամին», որի սեփականատերն անգլիացի լեգենդար հարձակվող Դևիդ Բեքհեմն է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։