Չիրո Իմոբիլե․ Իտալիայի հավաքականն արժանի է հաջորդ տարի Եվրո-2020-ի տիտղոսը նվաճելուն
14:14 19 նոյեմբերի, 2019Իտալիայի հավաքականի եւ «Լացիոյի» հարձակվող Չիրո Իմոբիլեն Եվրո-2020-ի ընտրական մրցաշարի վերջին տուրում Հայաստանի հավաքականին 9։1 հաշվով հաղթելուց հետո հույս է հայտնել, որ թիմը հաջորդ տարի կկարողանա նվաճել Եվրոպայի չեմպիոնի տիտղոսը։
«Շատ երջանիկ եմ, որ այսպիսի գերազանց ժամանակահատված անցկացրինք, ֆանատները լրացուցիչ դրական լիցք հաղորդեցին։ Ակնկալում եմ, որ նրանք նույնը կանեն եզրափակիչ փուլի ժամանակ։
Իտալիայի հավաքականն արժանի է հաջորդ տարի Եվրո-2020-ի տիտղոսը նվաճելուն։ Հույս ունենք, որ կհասնենք դրան։
Անհամբեր սպասում ենք վիճակահանությանը, ցանկանում ենք իմանալ՝ ում դեմ ենք խաղալու եզրափակիչ մրցաշարի խմբային փուլում։
Շատ ուրախ եմ, որ կարողացա ընդհատել առանց գոլերի շարքս ազգային թիմում»,- Իմոբիլեի խոսքը մեջբերում է Football Italia-ն։
Հայաստանի հավաքականի դեմ խաղում Իմոբիլեն դարձել էր դուբլի հեղինակ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։