Կատալոնական «Բարսելոնայի» տեխնիկական տնօրեն Էրիկ Աբիդալը խոսել է թիմի արգենտինացի առաջատար Լիոնել Մեսիի ապագայի շուրջ ստեղծված իրավիճակի մասին:
«Կարծում եմ՝ Մեսին չի հեռանա «Բարսելոնայից»: Մենք այժմ բանակցություններ ենք վարում նրա հետ նոր պայմանագրի կետերի շուրջ:
Մեսին «Բարսելոնայի» առաջատարն է և շատ մեծ ազդեցություն ունի թիմում: Նրա ներկայությունը շատ կարևոր է «Բարսելոնայի» ֆուտբոլիստների համար»,- Աբիդալի խոսքը փոխանցում է կատալոնական ակումբի մամուլի ծառայությունը:
Հիշեցնենք, որ Լիոնել Մեսիի պայմանագիրը «Բարսելոնայի» հետ նախատեսված է մինչև 2021 թվականի հունիս:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։