Տիագո Սիլվան պատմել է՝ ինչպես է Իբրահիմովիչը որոշել տեղափոխվել ՊՍԺ
20:46 18 նոյեմբերի, 2019Ֆրանսիայի չեմպիոն ՊՍԺ-ի կենտրոնական պաշտպան Տիագո Սիլվան հայտարարել է, որ շվեդ հարձակվող Զլատան Իբրահիմովիչը 2012 թվականին ՊՍԺ է տեղափոխվել իր հետ խորհրդակցելուց հետո:
«Ես նոր էի պայմանագիր կնքել ՊՍԺ-ի հետ, և դրա մասին դեռ պաշտոնապես չէր հայտարարվել: Այդ պահին զանգ ստացա Իբրահիմովիչից, որն ինձ հարցրեց իմ տեղափոխության մասին: Զլատանն ասաց, որ եթե ես տեղափոխվեմ, նա միայն այդ դեպքում կհամաձայնվի պայմանագիր կնքել ՊՍԺ-ի հետ»,- բրազիլացի պաշտպանի խոսքը փոխանցում է France Football-ը:
Հիշեցնենք, որ Տիագո Սիլվան և Զլատան Իբրահիմովիչը ՊՍԺ են տեղափոխվել 2012 թվականի ամռանը՝ 3 օրվա տարբերությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։