Բենզեման ցանկանում է խաղալ Ալժիրի թիմում, որը հարձակվողների պակաս չունի
20:14 18 նոյեմբերի, 2019Մադրիդի «Ռեալի» ֆրանսիացի հարձակվող Քարիմ Բենզեման ակնարկել է, որ կդիտարկի Ալժիրի հավաքականում հանդես գալու տարբերակը, հաղորդում է Marca-ն։
Ֆրանսիայի ֆուտբոլի ֆեդերացիայի նախագահ Նոել Լե Գրեն հայտարարել է, որ Բենզեմայի համար կարիերան Ֆրանսիայի հավաքականում ավարտված է։
Բենզեման այդ հայտարարությանն արձագանքել է թվիթերյան գրառումով։
«Եթե դուք կարծում եք, որ ես ավարտված եմ հավաքականի համար, ապա թույլ տվեք ինձ ներկայացնել այլ երկիր, եւ այդ ժամանակ մենք կտեսնենք»,- գրել է Բենզեման։
Հիշեցնենք, որ Բենզեման հեռացվել էր Ֆրանսիայի հավաքականից 2015 թվականին թիմակից Մաթյո Վալբուենային շանտաժի ենթարկելու պատճառով։
Բենզեմայի ծնողներն ալժիրցիներ են, սակայն ֆուտբոլիստը չունի Ալժիրի քաղաքացիություն։
Պետք է նշել, որ Ալժիրի հավաքականի գլխավոր մարզիչ Ջամել Բելմադին եւս արձագանքել է այս իրավիճակին՝ նշելով, որ հարձակվողների պակաս չունի (Բունեջա, Սլիմանի, Դելոր, Սուդանի)։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։