Ընտրական մրցաշարի միայն վերջին տուրում Եվրո-2020-ի եզրափակիչ մրցաշարի ուղեգիր նվաճած Պորտուգալիայի հավաքականի գլխավոր մարզիչ Ֆերնանդու Սանտուշը խոսել է թիմի հավակնությունների մասին։
«Պորտուգալիան ֆավորիտ չէ, բայց Եվրո-2020-ի տիտղոսի հավակնորդ է։ Մենք ունենք լավ թիմ։ Երբ մենք կարողանում ենք կենտրոնանալ եւ ցուցադրել ստեղծագործական եւ արտիստիզմի նոտաներով խաղ, դառնում ենք անպարտելի։
Մենք ունենք բոլոր նախապայմանները Եվրո-2020-ում հաջող հանդես գալու համար։ Երբ մենք 2016-ին եզրափակիչ մրցաշարից առաջ ասում էինք, որ կարող ենք հաղթել, մեզ խելագար էին համարում»,- Սանտուշի խոսքը մեջբերում է A Bola-ն։
Եվրո-2020-ի վիճակահանությունը տեղի կունենա նոյեմբերի 30-ին։
Պորտուգալիան հաջորդ տարի կփորձի պաշտպանել 2016-ին նվաճած չեմպիոնական կոչումը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։