Անգլիայի հավաքականի մարզիչ․ Եվրոպայի առաջնությունում հաղթելը աշխարհի գավաթը նվաճելուց հեշտ չէ
14:21 18 նոյեմբերի, 2019Եվրո-2020-ի եզրափակիչ փուլի ուղեգիր նվաճած ֆուտբոլի Անգլիայի հավաքականի գլխավոր մարզիչ Գարեթ Սաութգեյթը համեմատել է Եվրոպայի եւ աշխարհի առաջնությունները։
«2018-ին Ռուսաստանում անցկացված աշխարհի առաջնությունից հետո Անգլիայի հավաքականը զգալի առաջընթաց է ունեցել։ Մեր թիմը վստահույթուն է ձեռք բերել խաղն ու գնդակը վերահսկելու, գոլ խփելու հարցում։ Խաղից առաջ ֆուտբոլիստները շատ չեն մտածում, որ կարող է ինչ-որ բան չստացվել։ Հաջորդ ամռանը մենք ավելի հզոր կլինենք։
Այս պահին Եվրոպայի առաջնությունում հաղթելը աշխարհի գավաթը նվաճելուց հեշտ չէ։ Ռուսաստանում կիսաեզրափակիչ էին դուրս եկել եվրոպական թիմեր։ Չի կարելի հաշվի չառնել նաեւ Իսպանիայի, Գերմանիայի եւ Պորտուգալիայի հավաքականներին։ Անհավանական բարձր մակարդակ է ունենալու Եվրո-2020-ի եզրափակիչ մրցաշարը»,- Սաութգեյթի խոսքը մեջբերում է BBC-ն։
Հիշեցնենք, որ 2018թ․ աշխարհի առաջնության կիսաեզրափակիչ էին դուրս եկել Ֆրանսիան ու Բելգիան եւ Անգլիան ու Խորվաթիան։ Եզրափակիչ դուրս եկան Ֆրանսիան ու Խորվաթիան։ Աշխարհի չեմպիոն դարձան ֆրանսիացիները։ Անգլիան երրորդ տեղի համար խաղում պարտվեց բելգիացիներին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.