ATP. Նադալը տարին կավարտի առաջին տեղում
13:45 16 նոյեմբերի, 2019Աշխարհի առաջին ռակետ, իսպանացի Ռաֆայել Նադալը 2019 թվականը կավարտի համաշխարհային դասակարգման աղյուսակի առաջին տեղում:
Միավորների քանակով Նադալին գերազանցելու համար աշխարհի երկրորդ ռակետ, սերբ Նովակ Ջոկովիչը պետք է հաղթանակ տաներ Լոնդոնում ընթացող ATP-ի ամփոփիչ մրցաշարում, սակայն Ջոկովիչը չի կարողացել հաղթահարել խմբային փուլի արգելքը:
Նադալն իր կարիերայում 5-րդ անգամ տարին կավարտի դասակարգման աղյուսակի առաջին տեղում: Այս ցուցանիշով իսպանացի թենիսիստը հավասարվեց Նովակ Ջոկովիչին և Ռոջեր Ֆեդերերին:
Հիշեցնենք, որ ամփոփիչ մրցաշարի խմբային փուլի երրորդ տուրում Նադալը հաղթանակ տարավ հույն Ստեֆանոս Ցիցիպասի նկատմամբ և դուրս եկավ կիսաեզրափակիչ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։