#Corner. Խաշմանյանի նորամուտը, հավաքականի ճակատագրական կորուստներն ու «Նոր հույների» հաղթանակը

09:09   16 նոյեմբերի, 2019

NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 53-րդ թողակումը, որը նվիրված է Եվրո-2020-ի ընտրական մրցաշարի 9-րդ տուրի Հայաստան - Հունաստան (0:1) հանդիպմանը

ՖԱՖ-ի եւ Red Eagles-ի երթը դեպի «Հանրապետական» ստադիոն, ամենահետաքրքիրը հայ-հունական ֆուտբոլային դիմակայության շուրջ։

Հայաստանի հավաքականը ստիպված էր խաղալ առանց մի շարք առանցքային ֆուտբոլիստների, իսկ հույները արմատապես երիտասարդացրել էին կազմը հունիսին տեղի ունեցած թիմերի առաջին հանդիպումից հետո, որն ավարտվել էր Հայաստանի հավաքականի հաղթանակով՝ 3։2։

#Corner-ը զրուցել է ֆրանսիական «Մարսելի» ուլտրասի ներկայացուցիչ Սարգիսի հետ։ Առաջին անգամ հայրենիք այցելած երկրպագուն 2015-ին կազմակերպել է «Մարսելի» ֆանատների խոշոր միջոցառումը՝ նվիրված Հայոց ցեղասպանության 100-ամյա տարելիցին։

Ամփոփել ենք մրցույթի արդյունքները եւ հաղթող դարձած Արշակին նվիրել հանդիպման տոմսեր։ «Ի՞նչ պետք է անեն Խաշմանյանն ու նրա գլխավորած թիմի ֆուտբոլիստները, որպեսզի հույներն առանց միավորի հեռանան Հայաստանից» հարցին՝ Արշակի մեկնաբանությունը հավաքել էր ամենաշատ հավանումներ YouTube-ում։

Այս պարտությունից հետո Հայաստանի հավաքականը J խմբում 10 միավորով նահանջեց չորրորդ տեղ եւ զրկվեց Եվրո-2020-ի եզրափակիչ մրցաշարի ուղեգիր նվաճելու հնարավորությունից։

Նոյեմբերի 18-ին Հայաստանի հավաքականը Պալերմոյում կանցկացնի վերջին տուրի հանդիպումը Իտալիայի հետ։ Հայկական պատվիրակության հետ Պալերմո կմեկնի նաեւ #Corner-ը։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։