Ռուսաստանի հայերի միությունը (ՌՀՄ) կհետեւի թայբռնցքամարտի աշխարհի բազմակի չեմպիոն եւ գավաթակիր, 40-ամյա Աշոտ Բոլյանի սպանության հետաքննության ընթացքին։ Այդ մասին ասել է ՌՀՄ նախագահ Արա Աբրահամյանը։ Բոլյանին սպանել են նոյեմբերի 13-ին Մոսկվայում։ Հարուցվել է քրեական գործ։
«Մենք անպայման կհետեւենք քննության ընթացքին։ Ավելին չեմ կարող ասել։ Վերջերս Բոլյանը եղել է մեր միությունում։ Միայն դրականը կարող եմ ասել նրա մասին։ Ակտիվ երիտասարդ տղամարդ էր, հագամործակցում էր ՌՀՄ-ի հետ, օգնում էր, մասնակցում էր մեր միջոցառումներին, ուրախանում մեր հաջողություններին, քանի որ մեր մարզական ակումբը տվել է մի քանի չեմպիոնների»,- ասել է Արա Աբրահամյանը «РБК-Спорт»-ին։
Աշոտ Բոլյանը երեք անգամ նվաճել է աշխարհի չեմպիոնի տիտղոսը WPKA-ի վարկածով, աշխարհի չեմպիոն եւ գավաթակիր է դարձել նաեւ IPMTF-ի վարկածով։ Նվաճել է քիկբոքսինգի Ասիայի չեմպիոնի տիտղոսը WPKA-ի վարկածով։ Դարձել է 17 միջազգային մրցաշարերի հաղթող։
Ֆոտո՝ ru.hayazg.info
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։