Աշխարհի ուժեղագույն պաշտպանն՝ ըստ Ռոբերտ Լևանդովսկու

Մյունխենի «Բավարիայի» և Լեհաստանի ազգային հավաքականի հարձակվող Ռոբերտ Լևանդովսկին նշել է այն լավագույն պաշտպանի անունը, որի դեմ երբևէ խաղացել է:

«Իմ կարիերայում ես խաղացել եմ բոլոր լավագույն թիմերի դեմ, որոնց կազմում հանդես են եկել աշխարհի լավագույն պաշտպանները, սակայն ես չեմ կարող չառանձնացել Սերխիո Ռամոսին:

Ռամոսի դեմ պայքարը միշտ էլ դժվար է եղել, սակայն՝ շատ հետաքրքիր: Ուրախ եմ, որ հնարավորություն եմ ունեցել խաղալ նման պաշտպանի դեմ»,- Լևանդովսկու խոսքը փոխանցում է Goal.com-ը:

Նշենք, որ Գերմանիայի ընթացիկ առաջնության բոլոր խաղերում Ռոբերտ Լևանդովսկին դարձել է գոլի հեղինակ: 31-ամյա հարձակվողն այս մրցաշրջանում «Բավարիայի» կազմում մասնակցել է 18 հանդիպման և դարձել 23 գոլի հեղինակ: