Ռոնալդուն մարզվել է ընդհանուր խմբում

Եվրոպայի չեմպիոն Պորտուգալիայի հավաքականը նոյեմբերի 12-ին պատրաստվել է Եվրո-2020-ի որակավորման փուլի վերջին 2 տուրերի՝ Լիտվայի և Լյուքսեմբուրգի հետ հանդիպումներին:

A Bola-ի հաղորդմամբ՝ Պորտուգալիայի հավաքականի և Թուրինի «Յուվենտուսի» առաջատար Կրիշտիանու Ռոնալդուն լիարժեք մարզում է անցկացրել ընդհանուր խմբում:

«Յուվենտուսի» գլխավոր մարզիչ Մաուրիցիո Սարին Իտալիայի առաջնության 12-րդ տուրի՝ «Միլանի» հետ հանդիպումից հետո հայտարարել էր, որ Ռոնալդուն ցավեր է զգում ծնկի շրջանում:

Հիշեցնենք, որ «Միլանի» հետ հանդիպման 55-րդ րոպեին «Յուվենտուսի» մարզչական շտաբը որոշում էր ընդունել փոխարինել պորտուգալացի հարձակվողին: 34-ամյա հարձակվողը փոխարինվելուց հետո լքել էր ստադիոնը: