«Լոս Անջելես Գելաքսին» 1 տարվա պայմանագիր կառաջարկի Իբրահիմովիչին

09:45   12 նոյեմբերի, 2019

ՄԼՍ-ի կանոնավոր առաջնությունը ներկայացնող «Լոս Անջելես Գելաքսիի» շվեդ հարձակվող Զլատան Իբրահիմովիչը հնարավոր է՝ շարունակի մրցելույթներն ամերիկյան ակումբի կազմում:

FOX Sports-ի հաղորդմամբ՝ «Լոս Անջելես Գելաքսիի» ղեկավարությունն առաջիկայում 1 տարվա պայմանագիր կառաջարկի Իբրահիմովիչին, որով շվեդ հարձակվողը հնարավորություն կստանա ևս 1 ամբողջական մրցաշրջան անցկացնել ՄԼՍ-ում:

ՄԼՍ-ի արդեն ավարտված մրցաշրջանում Իբրահիմովիչը մասնակցել է 31 հանդիպման՝ դառնալով 31 գոլի և 8 գոլային փոխանցման հեղինակ:

Իբրահիմովիչի պայմանագիրը «Լոս Անջելես Գելաքսիի» հետ նախատեսված է մինչեւ այս տարվա դեկտեմբերի 31-ը։

38-ամյա հարձակվողի ծառայություններով հետաքրքրված են անգլիական «Մանչեսթեր Յունայթեդը» և իտալական «Միլանը»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։