Իտալիայի չեմպիոն «Յուվենտուսի» գլխավոր մարզիչ Մաուրիցիո Սարին խոսել է Իտալիայի առաջնության 12-րդ տուրի՝ «Միլանի» հետ խաղում թիմի առաջատար Կրիշտիանու Ռոնալդուին փոխարինելու որոշման դրդապատճառի մասին:
«Հասկանում եմ Ռոնալդուի զայրույթը, քանի որ նա շատ էր ուզում խաղալ և հաղթանակ պարգևել «Յուվենտուսին»:
«Միլանի» հետ հանդիպմանը նախորդած մարզման ընթացքում Ռոնալդուն խնդիրներ ուներ ծնկի հետ, իսկ հանդիպման ընթացքում ես անհանգստություն նկատեցի նրա խաղում: Որոշում ընդունեցինք փոխարինել Ռոնալդուին, որպեսզի խուսափենք վնասվածքից»,- Սարիի խոսքը փոխանցում է Sky Sport Italia-ն:
Ավելի վաղ տեղեկացրել ենք, որ «Միլանի» հետ հանդիպման 55-րդ րոպեին փոխարինվելուց հետո Ռոնալդուն լքել է ստադիոնը:
«Յուվենտուսը» հաղթանակ է տարել «Միլանի» նկատմամբ նվազագույն՝ 1:0 հաշվով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։