Մոուրինյոն՝ Պրեմյեր լիգայում չեմպիոնական մրցավազքի մասին. Ամեն ինչ ակնհայտ է
12:15 11 նոյեմբերի, 2019Անգլիական «Մանչեսթեր Յունայթեդի» նախկին գլխավոր մարզիչ Ժոզե Մոուրինյոն կարծում է, որ այս մրցաշրջանում «Լիվերպուլն» արդեն ապահովել է չեմպիոնությունը Պրեմյեր լիգայում:
«Ամեն ինչ ակնհայտ է: «Լիվերպուլն» 9 միավորի տարբերություն է ապահովել «Մանչեսթեր Սիթիի» նկատմամբ և շարունակում է վստահ հանդիպումներ անցկացնել:
«Լիվերպուլը» հրաշալի մարզավիճակում է գտնվում, սակայն այդ ակումբի ֆուտբոլիստները չպետք է իրենց աշխատանքն ավարտած համարեն Անգլիայի առաջնությունում»,- պորտուգալացի մասնագետի խոսքը մեջբերում է Sky Sports-ը:
Նշենք, որ «Էնֆիլդ» ստադիոնում տեղի ունեցած խաղում «Լիվերպուլը» 3:1 հաշվով հաղթել է «Մանչեսթեր Սիթիին»:
Պրեմյեր լիգայի 12-րդ տուրից հետո «Լիվերպուլը» 34 միավորով առաջատարն է, իսկ «Մանչեսթեր Սիթին» չորրորդն է՝ 25 միավորով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։