#Corner. Խաշմանյանի նշանակումն ու հավաքականի կազմը, Մխիթարյանն ու Ադամյանը չեն խաղա + մրցույթ
12:12 10 նոյեմբերի, 2019NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 52-րդ թողարկումը՝ նախորդ օրերին հայկական ֆուտբոլում տեղի ունեցած կարեւորագույն իրադարձությունների ամփոփմամբ։
Հայաստանի հավաքականի գլխավոր մարզիչ նշանակվեց Երեւանի «Ալաշկերտի» նախկին մարզիչ Աբրահամ Խաշմանյանը, որի ղեկավարությամբ ազգային թիմը կանցկացնի Եվրո-2020-ի ընտրական մրցաշարի վերջին հանդիպումները Հունաստանի (նոյեմբերի 15) եւ Իտալիայի (նոյեմբերի 18) դեմ։
Ավելի ուշ հրապարակվեց նաև հավաքական հրավիրված 24 ֆուտբոլիստների ցանկը: Վնասվածքների պատճառով հայտացուցակից դուրս մնացին Հենրիխ Մխիթարյանը, Մարկոս Պիզելին, Սարգիս Ադամյանը և Կառլեն Մկրտչյանը, որակազրկման հետևանքով հույների հետ չի խաղա Վարազդատ Հարոյանը:
Փոխարենը ազգային թիմ են վերադարձել Գևորգ Կասպարովը, Արթուր Սարկիսովը, Արտյոմ Սիմոնյանը, Արմեն Մանուչարյանը և Գեղամ Հարությունյանը, առաջին անգամ հրավեր է ստացել նաև «Արարատ-Արմենիայի» պաշտպան Արթուր Դանիելյանը:
Հենրիխ Մխիթարյանը վերսկսեց մարզումները «Ռոմայում», սակայն չի մասնակցի հավաքականի առաջիկա երկու հանդիպումներին։ Սարգիս Ադամյանը ճանաչվեց ամսվա լավագույն ֆուտբոլիստը «Հոֆենհայմում», 26-ամյա ֆուտբոլիստի գոլը և վաստակած 11-մետրանոցը նպաստեցին «Քյոլնի» նկատմամբ հաղթանակին։ Էրիկ Վարդանյանը տեղափոխվեց ռուսական «Սոչի», Մարկոս Պիզելին հեռացավ ղազախական «Ակտոբեից»։
#Corner-ը ներկայացնում է Հայաստանի հավաքականի նախկին խաղացող Եղիշե Մելիքյանի կարիերան։ Նա գլխավորեց «Լվովը», որը եզրափակում է Ուկրաինայի Պրեմյեր լիգայի մրցաշարային աղյուսակը։
Ներկայացնում ենք հարցազրույց Ստեփան Դեմիրճյանի հետ, որը ղազախական Պրեմյեր լիգայի ուղեգիր նվաճած «Կիզիլ-Ժար» թիմի դարպասապահների մարզիչն է։
Դարձյալ անցկացնում ենք մրցույթ՝ խաղարկելով Եվրո-2020-ի Հայաստան - Հունաստան հանդիպման երկու տոմս (Արեւվմտյան տրիբունա)։
Մրցույթին հաղթելու համար պետք է պատասխանել հետեւյալ հարցին․ «Ի՞նչ պետք է անեն Խաշմանյանն ու հավաքականի ֆուտբոլիստները, որպեսզի հույները Հայաստանից հեռանան առանց միավորի»։ Կհաղթի ամենաշատ հավանումներ ստացած մեկնաբանությունը YouTube-ում։
Թողարկման վերջում էլ ավանդական զվարճալի տեսաշար տարբեր երկրներից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.