Ֆավր. «Բավարիայի» հետ խաղում մենք կորցնելու ոչինչ չունենք

15:12   9 նոյեմբերի, 2019

Ֆուտբոլի Գերմանիայի առաջնության 11-րդ տուրի՝ «Բավարիայի» դեմ խաղից առաջ Դորտմունդի «Բորուսիայի» գլխավոր մարզիչ Լյուսիեն Ֆավրը հայտարարել է, որ իր գլխավորած թիմը միայն գրոհելու մասին է մտածում:

«Այս հանդիպումը մրցաշրջանի ամենասպասված և յուրահատուկ հանդիպումներից մեկն է: Վստահ եմ, որ լարված պայքար է սպասվում, քանի որ 2 թիմերն էլ խաղալու են հաղթանակի համար:

«Բորուսիան» Մյունխեն է մեկնում միայն ու միայն 3 միավոր վաստակելու նպատակով: Մենք այլևս ոչինչ չունենք կորցնելու և չենք կարող բավարարվել նույնիսկ ոչ ոքի արդյունքից»,- Ֆավրի խոսքը մեջբերում է «Բորուսիայի» մամուլի ծառայությունը:

Նշենք, որ հանդիպումը կմեկնարկի Երևանի ժամանակով 21:30-ին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։