Կլոպ. Ամբողջ աշխարհը հետևելու է «Մանչեսթեր Սիթիի» հետ խաղին

23:50   8 նոյեմբերի, 2019

Անգլիայի փոխչեմպիոն «Լիվերպուլի» գլխավոր մարզիչ Յուրգեն Կլոպը խոսել է Պրեմյեր լիգայի 12-րդ տուրի՝ «Մանչեսթեր Սիթիի» հետ հանդիպումից իր սպասելիքների մասին:

«Այս հանդիպումը տարբերվելու է Պրեմյեր լիգայի մյուս բոլոր խաղերից: Վստահ եմ, որ ամբողջ աշխարհն է հետևելու այս հանդիպմանը:

«Լիվերպուլն» ամեն ինչ անելու է 3 միավոր վաստակելու համար: Ցանկացած խաղում ակումբն իր առաջ խնդիր ունի ամեն գնով հաղթանակ տանել: 

Այնուամենայնիվ, սա դեռ 12-րդ տուրն է, և նույնիսկ միավորների կորուստն այժմ ճակատագրական չի լինի»,- Կլոպի խոսքը փոխանցում է Sky Sports-ը:

Հիշեցնենք, որ «Լիվերպուլ» - «Մանչեսթեր Սիթի» հանդիպումը տեղի կունենա նոյեմբերի 10-ին՝ Երևանի ժամանակով 20:30-ին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։