Արսեն Թորոսյան․ Հավաքականի մարզիչի նշանակումը վերապահված է գործադիր կոմիտեին
15:43 7 նոյեմբերի, 2019Առողջապահության նախարար, Հայաստանի ֆուտբոլի ֆեդերացիայի գործադիր կոմիտեի անդամ Արսեն Թորոսյանը լրագրողների հետ զրույցում մեկնաբանել է Հայաստանի ազգային հավաքականի գլխավոր մարզիչի պաշտոնում Աբրահամ Խաշմանյանի նշանակումն առանց գործադիր կոմիտեում քննարկման եւ քվեարկության։
«Գլխավոր մարզիչի նշանակումը վերապահված է գործադիր կոմիտեին, պետք է լիներ առաջադրում, քվեարկություն, նշանակում։ Բայց այդ ամենը տեղի չի ունեցել։
Ենթադրում եմ, որ ՀՖՖ նախագահին անվստահություն հայտնելու ընթացակարգ կա»,- նշել է Արսեն Թորոսյանը։
Հիշեցնենք, որ նոյեմբերի 6-ին ՀՖՖ պաշտոնական կայքը հայտնեց Հայաստանի ազգային թիմի գլխավոր մարզիչի պաշտոնում «Ալաշկերտի» նախկին գլխավոր մարզիչ Աբրահամ Խաշմանյանին նշանակելու մասին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.