Մարսելո Գալյարդոն՝ «Բարսելոնայի» գլխավոր մարզիչի թեկնածու
14:18 7 նոյեմբերի, 2019Արգենտինական «Ռիվեր Փլեյթի» գլխավոր մարզիչ Մարսելո Գալյարդոն մոտ է «Բարսելոնան» գլխավորելուն, հաղորդում է TNT Sports-ը։
Սպասվում է, որ արգենտինացի մասնագետը կատալոնական թիմը կգլխավորի արդեն դեկտեմբերին։ «Բարսելոնայում» դժգոհ են թիմի գլխավոր մարզիչ Էռնեստո Վալվերդեի աշխատանքից։ Իսպանացի մասնագետի պայմանագիրը նախատեսված է մինչեւ այս մրցաշրջանի ավարտը։ Ակումբի ղեկավարությունը չունի այն երկարաձգելու մտադրություն։
Մարսելո Գալյարդոյի թեկնածությանը կողմ է նաեւ «Բարսելոնայի» առաջատար, արգենտինացի հարձակվող Լիոնել Մեսին։
Գալյարդոն «Ռիվեր Փլեյթը» գլխավորում է 2014 թվականից։ Այս ընթացքում թիմը երկու անգամ նվաճել է Լիբերտադորեսի գավաթը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։