ՉԼ. Շաբաթվա լավագույն ֆուտբոլիստի և գոլի հեղինակի հավակնորդները
12:32 7 նոյեմբերի, 2019ՈւեՖԱ-ն հրապարակել է Չեմպիոնների լիգայի խմբային փուլի չորրորդ տուրի լավագույն ֆուտբոլիստի և գոլի հեղինակի թեկնածուներին:
Շաբաթվա լավագույն ֆուտբոլիստի կոչմանը հավակնում են ֆրանսիական ՊՍԺ-ի դարպասապահ Կեյլոր Նավասը, Դորտմունդի «Բորուսիայի» պաշտպան Աշրաֆ Հակիմին, «Ռեալի» հարձակվող Ռոդրիգոն և «Տոտենհեմի» հարձակվող Սոն Հեն Մինը:
Կեյլոր Նավասը բելգիական «Բրյուգեի» հետ խաղում 4 սեյվ է կատարել, նաև հետ մղել ՊՍԺ-ի դարպասին նշանակված 11 մետրանոց հարվածը: Աշրաֆ Հակիմին դուբլի հեղինակ է դարձել Միլանի «Ինտերի» հետ խաղում և հաղթանակ պարգևել իր թիմին: Ռոդրիգոն «Գալաթասարայի» հետ խաղում դարձել է հեթ-տրիկի հեղինակ, իսկ Սոն Հեն Մինը «Ցրվենա Զվեզդայի» հետ խաղում դարձել է դուբլի և գոլային փոխանցման հեղինակ:
Շաբաթվա լավագույն գոլի հեղինակի կոչմանը հավակնում են «Վալենսիայի» կիսապաշտպան Ժոֆրեյ Կոնդոգբիան, «Լիվերպուլի» կիսապաշտպան Ալեքս-Օքսլեյդ Չեմբեռլենը, «Յուվենտուսի» հարձակվող Դուգլաս Կոստան և «Մանչեսթեր Սիթիի» կիսապաշտպան Ռահեմ Ստերլինգը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։