Դարպասապահի հեռացումից հետո «Մանչեսթեր Սիթիի» պաշտպանը փոխարինել է նրան ու մի քանի սեյվ կատարել

11:26   7 նոյեմբերի, 2019

Չեմպիոնների լիգայի խմբային փուլի չորրորդ տուրում Անգլիայի չեմպիոն «Մանչեսթեր Սիթին» արտագնա խաղում ուժերը չափեց իտալական «Ատալանտայի» հետ:

Հանդիպման 81-րդ րոպեին կարմիր քարտ ստացավ և խաղադաշտից հեռացվեց անգլիական թիմի դարպասապահ Կլաուիդո Բրավոն, որը 46-րդ րոպեին փոխարինել էր մանչեսթերյան ակումբի հիմնական դարպասապահ Էդերսոնին:

Բրավոյի հեռացումից հետո «Մանչեսթեր Սիթիի» անգլիացի պաշտպան Կայլ Ուոլքերը հագավ թիմի դարպասապահի համազգեստը և ավելի քան 10 րոպե անառիկ պահեց դարպասը՝ կատարելով մի քանի սեյվ:

«Ատալանտա» - «Մանչեսթեր Սիթի» հանդիպումն ավարտվեց 1:1 հաշվով (տեսանյութ):

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։