Զիդան. «Ռեալն» իդեալական հանդիպում անցկացրեց
10:18 7 նոյեմբերի, 2019Մադրիդի «Ռեալի» գլխավոր մարզիչ Զինեդին Զիդանը մեկնաբանել է Չեմպիոնների լիգայի խմբային փուլի չորրորդ տուրում թուրքական «Գալաթասարայի» նկատմամբ տարած խոշոր հաշվով հաղթանակը:
«Մինչև վերջին պահը «Ռեալը» պայքարեց հաղթանակի համար, և չնայած հաշվի մեջ ունեցած մեծ առավելությանը, երբեք կանգ չառավ: «Ռեալն» իդեալական հանդիպում անցկացրեց:
Ռոդրիգոն երիտասարդ ֆուտբոլիստ է, որը գերազանց օգտագործեց իրեն տրված հնարավորությունը: Նա պետք է շարունակի աշխատել և կատարելագործել իր խաղը:
Մարսելոյի վնասվածքի մասին դեռ ոչինչ հայտնի չէ: Հուսով եմ, որ նրա մոտ միայն մկանային ցավեր են: Նա շատ կարևոր խաղացող է «Ռեալի» համար:
Բենզեման այժմ խաղում է այն նույն ֆուտբոլը, որը խաղում էր, երբ Կրիշտիանու Ռոնալդուն հանդես էր գալիս «Ռեալում»: Բենզեման բարձրակարգ ֆուտբոլիստ է և շարունակելու է իր խաղով օգնել թիմին»,- Զիդանի խոսքը մեջբերում է Արքայական ակումբի մամուլի ծառայությունը:
Հիշեցնենք, որ «Ռեալը» տնային խաղում 6:0 հաշվով հաղթանակ տարավ «Գալաթասարայի» նկատմամբ: Հեթ-տրիկի հեղինակ դարձավ «Ռեալի» բրազիլացի հարձակվող Ռոդրիգոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։