206 սմ հասակ ունեցող բասկետբոլիստը որակազրկվել է աճի հորմոն օգտագործելու համար

15:12   6 նոյեմբերի, 2019

Բասկետբոլի ազգային ասոցիացիայի «Ատլանտա Հոուքս» ակումբի հարձակվող Ջոն Քոլինզը հակադոպինգային կանոնադրության խախտման համար որակազրկվել է 25 խաղով։ 206 սմ հասակ ունեցող 22-ամյա բասկետբոլիստի դոպինգ նմուշի արյան մեջ հայտնաբերվել է աճի հորմոն՝ պրալմորելին, որն արգելված է։

«Ներողություն եմ խնդրում թիմից, ակումբից, երկրպագուներից, հասարակությունից։ Ես ինչ-որ բան եմ ընդունել՝ չիմանալով, որ դրա մեջ արգելված նյութ կա։ Մտադիր եմ բողոքարկել որակազրկումս»,- Քոլինզի խոսքը մեջբերում է ESPN-ը։

Բասկետբոլի ազգային ասոցիացիայի ընթացիկ առաջնությունում «Ատլանտան» մասնակցել է 6 հանդիպման, տարել երեք հաղթանակ, կրել երեք պարտություն։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։