Ֆորմուլա-1-ի 7-ակի չեմպիոն գերմանացի Միխայիլ Շումախերը դարձել է բելգիական Սպա քաղաքի պատվավոր քաղաքացի։
Սպայի քաղաքապետ Ժոզեֆ Ուսան հայտարարել է, որ ավտոարշավորդը նպաստել է քաղաքի փողոցներով անցնող մրցուղու միջազգային ճանաչմանը եւ հենց Բելգիայում է տոնել իր առաջին հաղթանակը Ֆորմուլա-1-ում։
43-ամյա Շումախերը սեպտեմբերի 2-ին կդառնա առաջին ավտոարշավորդը, ում կհաջողվի հատել 300 մրցավազքի սահմանագիծը, հաղորդում է totalf1.com-ը։
Նշենք, որ 2008-ին Շվեյցարիայի ֆուտբոլի ասոցացիան Շումախերին ընտրել էր որպես ֆուտբոլի Եվրոպայի առաջնությունում Շվեյցարիայի դեսպան։ Դեսպանների թվում էին նաեւ ֆուտբոլիստ Ստեֆան Շապիուզան, թենիսիստ Ռոջեր Ֆեդերերը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։