Ռոման Բերեզովսկի․ Էրիկ Վարդանյանի տեղափոխությունն անակնկալ էր ինձ համար

14:12   4 նոյեմբերի, 2019

Ռուսական մամուլը նոյեմբերի 3-ին հայտնեց, որ Երեւանի «Փյունիկի» եւ Հայաստանի» հավաքականի կիսապաշտպան Էրիկ Վարդանյանը երեք տարվա պայմանագիր կկնքի «Սոչիի» հետ։

NEWS.am Sport-ի թղթակցի հետ զրույցում այս լուրը հաստատեց ռուսական ակումբի եւ Հայաստանի հավաքականի դարպասապահների մարզիչ Ռոման Բերեզովսկին։

«Էրիկ Վարդանյանի տեղափոխության հարցով ինձ հետ չեն խորհրդակցել։ Ինձ համար եւս անակնկալ էր այս տրանսֆերը։ Հույս ունեմ, որ «Սոչիում» Էրիկը կկարողանա իրեն դրսեւորել լավագույն կողմերից։ Վաղը կհանդիպեմ եւ կզրուցեմ Վարդանյանի հետ»,- նշեց լեգենդար դարպասապահը։

Հարցին, թե կշարունակի աշխատել ազգային հավաքականում Արմեն Գյուլբուդաղյանցի հրաժարականից հետո, 45-ամյա մասնագետը պատասխանեց այսպես․ «Կարծում եմ՝ այո»։

Հիշեցնենք, որ 21-ամյա Վարդանյանը ոչ մարզական վարքի համար Հայաստանում որակազրկվել է կես տարով։

Սամվել Սուքիասյան

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։