Ֆետել․ Ֆորմուլա-1-ում Շումախերից հետո արդար է նշել Հեմիլթոնի անունը
16:10 31 հոկտեմբերի, 2019«Ֆերարիի» գերմանացի մրցարշավորդ, Ֆորմուլա-1-ի քառակի չեմպիոն Սեբաստիան Ֆետելը բարձր է գնահատել «Մերսեդեսի» բրիտանացի ներկայացուցիչ, Ֆորմուլա-1-ի հնգակի չեմպիոն Լյուիս Հեմիլթոնի նվաճումները։
«Պետք է Հեմիլթոնին համարենք լավագույններից մեկը, ստիպված ենք։ Նա վաղուց է Ֆորմուլա-1-ում եւ ամենահաջողակներից է։ Միխայել Շումախերից հետո արդար է նշել նրա անունը։
Սակայն Ֆորմուլա-1-ը շատ է փոխվել։ Սխալ է համեմատել տարբեր սերունդների ներկայացուցիչներին։ Անկասկած է, որ Հեմիլթոնն առանձնանում է իր սերնդի մյուս մրցարշավորդներից»,- Ֆետելի խոսքը մեջբերում է Motorsport-ը։
Հիշեցնենք, որ Հեմիլթոնն առաջին տիտղոսը նվաճել է 2008-ին «Մաքլարենում»։ 2013-ին նա տեղափոխվեց «Մերսեդես» եւ չեմպիոն դարձավ նաեւ 2014, 2015, 2017, 2018 թվականներին։
Նոյեմբերի 3-ին ԱՄՆ-ի Մեծ մրցանակում հաջող մրցելույթի դեպքում Հեմիլթոնը հնարավորություն կունենա ժամանակից շուտ նվաճել 6-րդ տիտղոսը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.