«Բարսելոնան» խոշոր հաշվով հաղթեց «Վալյադոլիդին» ու գլխավորեց մրցաշարային աղյուսակը (տեսանյութ)

Իսպանիայի չեմպիոն «Բարսելոնան» Լա Լիգայի 11-րդ տուրում «Կամպ Նոու» ստադիոնում մրցեց «Ռեալ Վալյադոլիդի» հետ: Էռնեստո Վալվերդեի գլխավորած թիմը հաղթանակ տարավ խոշոր՝ 5:1 հաշվով:

Կատալոնական թիմի կազմից դուբլի հեղինակ դարձավ արգենտինացի հարձակվող Լիոնել Մեսին: Գոլերի հեղինակ դարձան Կլեման Լանգլեն, Արտուրո Վիդալը և Լուիս Սուարեսը:

«Ռեալ Վալյադոլիդի» միակ գոլը խփեց իսպանացի պաշտպան Կիկոն:

«Բարսելոնան» «Ռեալ Վալյադոլիդին» հաղթելուց հետո 22 միավորով գլխավորում է Իսպանիայի առաջնության մրցաշարային աղյուսակը և 1 հանդիպում պակաս է անցկացրել, քան երկրորդ և երրորդ տեղերում գտնվող «Գրանադան» ու «Աթլետիկոն»:

ՏԵՍԱՆՅՈՒԹ

Իսպանիայի առաջնություն, 11-րդ տուր

«Բարսելոնա» - «Ռեալ Վալյադոլիդ»՝ 5:1

Կլեման Լանգլե, 2, Արտուրո Վիդալ, 29, Լիոնել Մեսի, 34, 75, Լուիս Սուարես, 77 - Կիկո, 15