Ֆրանսիական ՊՍԺ-ի և Արգենտինայի ազգային հավաքականի հարձակվող Մաուրո Իկարդին հայտարարել է, որ երջանիկ է զգում իրեն Ֆրանսիայի չեմպիոնի կազմում և ցանկություն ունի հաջորդ մրցաշրջանում ևս հանդես գալ Թոմաս Տուխելի գլխավորած թիմում:
«Ես խաղացել եմ «Ինտերում», որտեղ իմ կողքին մեծագույն ֆուտբոլիստներ են հանդես եկել, սակայն այս ՊՍԺ-ն լավագույն ակումբն է, որտեղ երբևէ խաղացել եմ:
Երջանիկ եմ ՊՍԺ-ում և ցանկանում եմ հաջորդ տարի ևս խաղալ այստեղ»,- Իկարդիի խոսքը փոխանցում է Football Italia-ն:
Հիշեցնենք, որ Մաուրո Իկարդիի տրանսֆերային իրավունքը պատկանում է Միլանի «Ինտերին»: 26-ամյա հարձակվողը վարձակալությամբ ՊՍԺ-ում հանդես է գալիս ամառվանից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։