Բուխարեստում ընթացող ծանրամարտի Եվրոպայի մինչեւ 23 տարեկանների առաջնությունում պայքարի մեջ է մտել աշխարհի ու Եվրոպայի չեմպիոն Հակոբ Մկրտչյանը: Այս տարվա աշխարհի առաջնությունում աշխարհի չեմպիոնի տիտղոսը նվաճելուց հետո Հակոբ Մկրտչյանը Եվրոպայի երիտասարդական առաջնությունում պայքարում է մինչեւ 23 տարեկանների 89 կգ քաշային կարգում:
Նույն քաշային կարգում հանդես է գալիս նաեւ Հայաստանի մեկ այլ ներկայացուցիչ, այս տարվա Եվրոպայի առաջնության բրոնզե մեդալակիր Դավիթ Հովհաննիսյանը: Հակոբ Մկրտչյանը պոկում վարժության համար պատվիրել է 160 կգ, Դավիթ Հովհաննիսյանը՝ 155 կգ:
Հրում վարժության համար աշխարհի չեմպիոնը հայտավորել է 200 կգ, Դավիթ Հովհաննիսյանը՝ 190 կգ: Եվրոպայի մինչեւ 23 տարեկանների առաջնությունը օլիմպիական վարկանիշային է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։