Լիանա Գյուրջյանը՝ Մ20 Եվրոպայի չեմպիոն
20:47 24 հոկտեմբերի, 2019Ռումինիայի մայրաքաղաք Բուխարեստում ընթացող ծանրամարտի Մ20 տարեկանների առաջնությունում 81 կգ քաշային կարգում 17-ամյա Լիանա Գյուրջյանը չեմպիոն է հռչակվել:
Պոկում վարժությունում Գյուրջյանը բարձրացրել է 95 կգ, իսկ հրում վարժությունում՝ գրանցել 120 կգ արդյունք:
Հիշեցնենք, որ ապրիլին Բաթումիում տեղի ունեցած ծանրամարտի Եվրոպայի առաջնությունում 81 կգ քաշայինների պայքարում Լիանա Գյուրջյանը նվաճել էր փոքր արծաթե մեդալ հրում վարժությունում: Երկամարտի 217 կգ արդյունքով Գյուրջյանը զբաղեցրել էր 4-րդ տեղը։
Տղամարդկանց Մ20 առաջնությունում հայ ծանրորդ Ռաֆիկ Հարությունյանը 81 կգ քաշային կարգում դարձավ բրոնզե մեդալակիր:
Ռաֆիկ Հարությունյանը երկամարտում գրանցեց 340 կգ արդյունք (150+190):
81 կգ քաշային կարգում Հայաստանի մյուս ներկայացուցիչ Կարեն Մարգարյանը երկամարտում չորրորդն էր՝ 335 կգ արդյունքով: Հայ ծանրորդը պոկում վարժությունում դարձավ փոքր բրոնզե մեդալակիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։