Իսպանական Լա Լիգայի ղեկավարությունը պատրաստվում է բողոքարկել Իսպանիայի ֆուտբոլի ֆեդերացիայի որոշումը՝ Լա Լիգայի 10-րդ տուրի՝ «Բարսելոնա» - «Ռեալ Մադրիդ» հանդիպման անցկացման օրվա հետ կապված:
Լա Լիգայի նախագահ Խավիեր Տեբասը հայտարարել է, որ մրցաշարի հանդիպումների անցկացման ժամկետի վերաբերյալ որոշում պետք է ընդունի միայն Լա Լիգան:
Խավիեր Տեբասը նշել է, որ եթե Սուպերկլասիկոն տեղի ունենա դեկտեմբերի 18-ին, ապա Լա Լիգան մեծ ֆինանսական կորուստներ կկրի:
Հիշեցնենք, որ «Բարսելոնա» - «Ռեալ Մադրիդ» հանդիպումը, որը պետք է տեղի ունենար հոկտեմբերի 26-ի, Կատալոնիայում ընթացող քաղաքական ցույցերի պատճառով հետաձգվել է:
Ավելի ուշ Իսպանիայի ֆուտբոլի ֆեդերացիան որոշում ընդունեց հանդիպումն անցկացնել դեկտեմբերի 18-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։