«Մանչեսթեր Յունայթեդի» փոխնախագահ. Ցանկանում ենք Անգլիայի չեմպիոն դառնալ

18:10   22 հոկտեմբերի, 2019

Անգլիական «Մանչեսթեր Յունայթեդի» փոխնախագահ Էդ Վուդվորդը խոսել է ընթացիկ մրցաշրջանում մանչեսթերյան ակումբի նպատակի մասին:

«Պետք է մեծ աշխատանք կատարենք, որպեսզի վերացնենք թիմում առկա խնդիրները: Սպասում ենք տրանսֆերային պատուհանի բացվելուն, որպեսզի համալրենք ակումբի կազմը:

Պրեմիեր լիգան փորձություն է մեզ համար: Մրցաշրջանի ավարտին մեր զբաղեցրած դիրքը ցույց կտա՝ ինչ վիճակում է գտնվում ակումբը: Չենք ցանկանում լինել երկրորդը: Նպատակ ունենք դառնալ Անգլիայի չեմպիոն»,- Վուդվորդի խոսքը փոխանցում է The Telegraph-ը:

Հիշեցնենք, որ Անգլիայի առաջնության 9-րդ տուրում «Մանչեսթեր Յունայթեդը» տնային խաղում ոչ ոքի խաղաց «Լիվերպուլի» հետ: 

Ուլե-Գունար Սուլշերի թիմն այժմ 10 միավորով զբաղեցնում է մրցաշարային աղյուսակի 14-րդ տեղը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։