Զիդան. Ցանկանում եմ ընդմիշտ մնալ «Ռեալում»
10:15 22 հոկտեմբերի, 2019Մադրիդի «Ռեալի» գլխավոր մարզիչ Զինեդին Զիդանը Չեմպիոնների լիգայի խմբային փուլի երրորդ տուրի՝ «Գալաթասարայի» հետ խաղին նախորդած մամուլի ասուլիսի ժամանակ հայտարարել է, որ չի պատրաստվում թողնել Արքայական ակումբի գլխավոր մարզիչի պաշտոնը:
«Այն, ինչին ես հասել եմ «Ռեալում», արդեն անցյալում է: Մենք ապրում ենք ներկայով, իսկ այժմ երկրպագուները գոհ չեն մեր ցուցադրած խաղից:
Չգիտեմ, թե ինչ է գրում մամուլը, ես ցանկանում եմ ընդմիշտ մնալ «Ռեալում»»,- Զիդանի խոսքը մեջբերում է Marca-ն:
Ավելի վաղ հաղորդվում էր, որ Արքայական ակումբի նախագահ Ֆլորենտինո Պերեսը ցանկանում է «Ռեալի» գլխավոր մարզիչի պաշտոնում նշանակել պորտուգալացի Ժոզե Մոուրինիոյին:
«Գալաթասարայ» - «Ռեալ Մադրիդ» հանդիպումը տեղի կունենա հոկտեմբերի 22-ին՝ Երևանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։