Ռամոս. «Ռեալում» բոլորը մինչև մահ Զիդանի կողքին են
23:29 21 հոկտեմբերի, 2019Մադրիդի «Ռեալի» ավագ Սերխիո Ռամոսը Չեմպիոնների լիգայի խմբային փուլի երրորդ տուրի՝ «Գալաթասարայի» հետ խաղին նախորդած մամուլի ասուլիսի ժամանակ հայտարարել է, որ ակումբում չեն ցանկանում Զինեդին Զիդանի պաշտոնանկությունը:
«Թիմի ներսում ամեն ինչ հրաշալի է: Մամուլը տարբեր լուրեր է գրում, սակայն դրանց մեծ մասը չի համապատասխանում իրականությանը:
«Ռեալում» բոլորը մինչև մահ Զիդանի կողքին են: Պետք է միասնական լինենք և դրա շնորհիվ հաղթահարենք այս իրավիճակը»,- Ռամոսի խոսքը փոխանցում է «Ռեալի» մամուլի ծառայությունը:
Ավելի վաղ հաղորդվում էր, որ Արքայական ակումբի նախագահ Ֆլորենտինո Պերեսը ցանկանում է «Ռեալի» գլխավոր մարզիչի պաշտոնում նշանակել պորտուգալացի Ժոզե Մոուրինիոյին:
«Գալաթասարայ» - «Ռեալ Մադրիդ» հանդիպումը տեղի կունենա հոկտեմբերի 22-ին՝ Երևանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։