Սուլշեր․ «Լիվերպուլի» հետ ոչ ոքին քայլ է ճիշտ ուղղությամբ

09:49   21 հոկտեմբերի, 2019

«Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը մեկնաբանել է ոչ ոքի արդյունքը (1։1) «Լիվերպուլի» հետ Անգլիայի առաջնության 9-րդ տուրում։

«Բաց թողեցինք հաղթելու հնարավորությունը, բայց «Լիվերպուլի» հետ ոչ ոքին քայլ է ճիշտ ուղղությամբ։  Մարզիչի համար շատ հաճելի է տեսնել, որ ֆուտբոլիստներն անմնացորդ են պայքարում խաղադաշտում, բայց հանդիպման վերջնամասում ֆիզիկապես եւ հոգեբանորեն հոգնել էինք։

Ես կարծում եմ, որ մրցավարն արժանի է դրվատանքի խոսքերի։ Մենք հազվադեպ ենք գովում մրցավարներին, բայց Ռեշֆորդի գոլի դրվագում կանոնների խախտում չկար»,- Սուլշերի խոսքը մեջբերում է BBC-ն։

«Լիվերպուլը» 25 միավորով շարունակում է գլխավորել մրցաշարային աղյուսակը՝ երկրորդ տեղում ընթացող «Մանչեսթեր Սիթիի» նկատմամբ ունենալով 6 միավորի առավելություն։ «Մանչեսթեր Յունայթեդը» 10 միավորով 13-րդն է։ 



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։